قدرات الرجال على تحقيق أهدافهم متنوعة، فمنهم اللي بيعرف إزاي يوصل للي هو عاوزه حتى لو في النهاية القدر والنصيب لعب دوره في إنه ميحققهوش إلا إنه بيحاول بكل الطرق يقرب جداً من الوصول للحاجة اللي هو عاوزها .. ومنهم اللي بيكون عارف برضه هو عاوز إيه لكن مـش بيعمل أي حاجة توصله ليها وكمان بيتضايق قوي لو حد حاول يوضح له الطريق اللي يمشي فيــه يعاند ويرفض بشـدة.
-----
تلاقي الواحد شايف إن إســمه وكــيانه كــفاية ولو صدفت معاه وإتحققت الحاجة بالقــدر والنصيب - وهو بيكون أكتر واحد عارف – يعلن بكل ثقــة إن هو السبب وإنه كان عارف وقاصد وحاسبها ومرتب لها - ولو ماتحققتش وده الأرجح - يبقى أكيد حد مضطهده لازم شخص تاني أو شيء يتحمل مسئولية فشله في تحقيقها وفي الغالب النحس هو اللي بيلبسها ويشيل القضية... لكن طبعا مش ممكن هو نفسه يكون السبب أبداً.
-----
الشاب ده إتعرف على بنت جميلة ولطيفة ومن أول لقاء بنظره عينيه الساحرة قدر يوصل لقلبها، وقصة الحب شعللت بينهم وبعد كام لقاء كانوا أخدوا على بعض شوية فاتشجعت البنت وقالت له:
أنا عاوزة أقولك حاجة .. بس .. ياريت متاخدهاش بحساسية.
هـو: أيوة قولي طبعاً هو إحنا في بيننا الحاجات دي ؟؟
هي: على فكرة البارفان اللي إنت بتحط منه مش بيعجبني .. ممكن تغيره؟؟ ده في أنواع تانية كتير باحبها .. ممكن نروح سوا ننقي. ده لو البارفان اللي جبتها لك في عيد الحب معجبتكش أصلي مش بالاقيك حاطط منها خالص.
هـو: نعم ؟؟؟ .... ده أحلي بارفان في العالم وأنا مش هاحط غيره .. هو أنا كده وشخصيتي كده.
هـو: أيوة قولي طبعاً هو إحنا في بيننا الحاجات دي ؟؟
هي: على فكرة البارفان اللي إنت بتحط منه مش بيعجبني .. ممكن تغيره؟؟ ده في أنواع تانية كتير باحبها .. ممكن نروح سوا ننقي. ده لو البارفان اللي جبتها لك في عيد الحب معجبتكش أصلي مش بالاقيك حاطط منها خالص.
هـو: نعم ؟؟؟ .... ده أحلي بارفان في العالم وأنا مش هاحط غيره .. هو أنا كده وشخصيتي كده.
-----
ده على إعتبار إن البارفان بقت صفة من صفات البشر اللي كمان من الصعب تغييرها.
بعد عشرين لقــاء ...
هي: إنت برضه حاطط من البارفان اللي بيضايقني تاني.. دي مش طريقة دي.
هـو: المفروض إنك متضايقيش منه .. ودي حاجة متضايقش خالص.
هي: بس الواقع إني متضايقة وقلتلك في العشـر مرات اللي حطيت فيهم منه وانت برضه مستمر .. فيها إيه لو بطلت تحط منه ؟؟
هــو: أنا كده وباحب كده.
هي: إنت برضه حاطط من البارفان اللي بيضايقني تاني.. دي مش طريقة دي.
هـو: المفروض إنك متضايقيش منه .. ودي حاجة متضايقش خالص.
هي: بس الواقع إني متضايقة وقلتلك في العشـر مرات اللي حطيت فيهم منه وانت برضه مستمر .. فيها إيه لو بطلت تحط منه ؟؟
هــو: أنا كده وباحب كده.
-----
عموماً هو شكله كده بدأ يغير يعني ساعات بيحط أنواع مختلفة بس مش راضي يستغنى برضه عن النوع اللي بيضايقها.
بعد 150 لقــاء ...
هي: أنا خلاص إتخنقت ومعنديش كلام أقوله والريحة دي بقت بتخنقني.. بص بقى .. أنا مش عاوزة أشوف وشك تاني.. إنت من سكة وأنا من سكة.
هـو: ليه بس هو إيه اللي حصل ؟
هي: أكيد مش هاقول للمرة المية حكاية البارفان .. قلت .. بتضايقني .. مش مستحملاااها.
هو بدهشـة: غريبـــة ..!! ... مانا حطيت منها كتير وكل مرة مكنتيش بتزعلي قوي كده؟؟ حبنا كان أكبر وأقوى إنتي أكــيد بطــلتي تحــبيني .. أنا متأكد إن في سبب تاني خلاكي تسيبيني.
هي مردتش عليه وسابته ومشيت.
هي: أنا خلاص إتخنقت ومعنديش كلام أقوله والريحة دي بقت بتخنقني.. بص بقى .. أنا مش عاوزة أشوف وشك تاني.. إنت من سكة وأنا من سكة.
هـو: ليه بس هو إيه اللي حصل ؟
هي: أكيد مش هاقول للمرة المية حكاية البارفان .. قلت .. بتضايقني .. مش مستحملاااها.
هو بدهشـة: غريبـــة ..!! ... مانا حطيت منها كتير وكل مرة مكنتيش بتزعلي قوي كده؟؟ حبنا كان أكبر وأقوى إنتي أكــيد بطــلتي تحــبيني .. أنا متأكد إن في سبب تاني خلاكي تسيبيني.
هي مردتش عليه وسابته ومشيت.
-----
ويبدأ هو يفكر إزاي يرجعها تاني: أكيد صاحبتها اللي دايماً معاها دي هي اللي قومتها عليا ...
امم .. أو الواد المسمسم اللي معاها في الشغل لف دماغها ..
أو ممكن هي أعصابها تعبانة .. أيوة هي أعصابها تعبانة وكمان كام يوم وهتهدى.
وأخيراً ... أنا هاسيبها لغاية ما تعرف قيمتي.
امم .. أو الواد المسمسم اللي معاها في الشغل لف دماغها ..
أو ممكن هي أعصابها تعبانة .. أيوة هي أعصابها تعبانة وكمان كام يوم وهتهدى.
وأخيراً ... أنا هاسيبها لغاية ما تعرف قيمتي.
-----
ويعدي الوقت .. مفيش منها كلام ولا إتصال مبدهاش بقى يقرر إنه يعملها مفاجأة ويروحلها الشغل ومفيش مانع إنه يجيب معاه شوية ورد حلوين كده يسهلوا الصلح.
هي خارجة من باب الشركة اللي بتشتغل فيها تلاقيه قدامها في العربية تداري فرحتها وتروح ناحيته ...
هـو: إركبي يا حبيبتي.
أول ما تركب العربية تصرخ : لأ .. لأ .. مش ممكن .. إنت جـاااااي ليه؟؟؟
يبص لهـا بإستغراب: أنا مش فاهمك خالص؟ انتي إيه اللي غيرك من ناحيتي كده؟؟ أنا عملت كل حاجة في الدنيا علشان أسعدك وأرضيكي وإنتي برضه مفيش حاجة عاجباكي ؟؟
هي تصرخ: أنا اللي مش قادرة أصداااااق بقى بعد كل اللي حصل ده جاي لي حاطط نفــــس الباااااارفان؟؟
هــو يقلب شفايفه ويقول: أنا لغـــاية دلوقــتي مش قـــادر أفــهم هو إيه عــلاقة البــارفان بالموضــوع ... ؟؟
هـو: إركبي يا حبيبتي.
أول ما تركب العربية تصرخ : لأ .. لأ .. مش ممكن .. إنت جـاااااي ليه؟؟؟
يبص لهـا بإستغراب: أنا مش فاهمك خالص؟ انتي إيه اللي غيرك من ناحيتي كده؟؟ أنا عملت كل حاجة في الدنيا علشان أسعدك وأرضيكي وإنتي برضه مفيش حاجة عاجباكي ؟؟
هي تصرخ: أنا اللي مش قادرة أصداااااق بقى بعد كل اللي حصل ده جاي لي حاطط نفــــس الباااااارفان؟؟
هــو يقلب شفايفه ويقول: أنا لغـــاية دلوقــتي مش قـــادر أفــهم هو إيه عــلاقة البــارفان بالموضــوع ... ؟؟
************
هناك 18 تعليقًا:
الحكاية مسلية للغاية وبتقول كلام كتير
والحدق بقى يفهم
الرجالة عندهم مشكلة .. كلهم .. بيقولوا انهم مش بيفهموا المرأة .. مع ان المرأة فى منتهى الوضوح
الستات بتقول اللى هى عايزاه بصورة مباشرة .. لكن الرجالة برضه مش بيفهموا
او ممكن يكونوا بيتجاهلوا
مثلا
الست من دول تقول لجوزها انا عايزة اخرج معاك نتفسح .. يطنش
وكل كام يوم تعيد الطلب .. يطنش
ولما يفيض بيها الكيل .. تكتئب .. وتبدو مظاهر الحزن واضحة عليها لأن جوزها مش عايز يخرج معاها
فجأة الزوج يلاقيها مبوزة .. يصرخ فى وشها .. ايه النكد دة .. انتى نكدية قوى .. مبوزة ليه
تقوله عشان انت مش عايز نخرج
يقولها .. هو انتى فاكرانى عبيط .. اكيد فى حد قالبك علية .. امك طبعا
؟؟؟؟؟؟؟؟؟؟؟؟؟؟؟
اهلا وسهلا بكم فى عالم من الأغبياء
اسوووور متابعتك جميلة وجايبة من الآخر....
الحقيقة... تنفع بوست لوحدها
واحدة سألتني
هو الموقف ده حصل معاكي؟؟
قلت لها
حصل لكل الستات
هاهاها....
تحفه يا قطه هالقصه مع انها قصيره لكن معبره جدا بطريقه ملفته ومليئه بالسخريه... من واقع كل النساء بتعاني منه
حبيبتي عايدة..
بيهمني رايك جداً
وأشكرك على تشجيعك
الحقيقة الست دايما تدي للراجل مفاتيح شخصيتها
بس هو عاوز يفتح بالمفتاح اللي يعجبه
قفل
بيتهيألي ان اكتر حاجة بتميز الرجالة انهم بيفهموها وهي طايرة وهي دي المشكلة ان اللي بيفهموه ملهوش علاقة بارض الواقع
:)
مدونة ممتعة
تحياتي
ههههههه تحفه يا قطه
بس انتى فعلا عندك حق مهما الواحده قالت بحب ده وما بحبش ده ما فيش فايده اعتقد ان الرجاله بيشوفواانهم بيفهموا اكتر من الست لدرجه انهم ممكن يكونوا بيفهموها اكتر من نفسها ويعرفوا اللى بتحبه اكتر منها كمان ده طبعا على اساس انهم عباقره
مش محتاج اى مفاتيح هو عبقرى وهيتصرف
سهر الليالي حبيبتي وأعز صديقاتي
شفتي كمان لما بيقرر لها انها متكونش متضايقة
يعني كمان هيفرض عليها تضايق من ايه ومتضايقش من ايه
عزيزي انا حر ....
ياريت الرجالة ميحاولوش يفهموا اللي الستات بتقوله ... بس ينفذوا اللي بيطلبوه وبس ... مفيش اسهل من كده.
الست لما بتطلب ... يعني عملت حاجة كبيرة قوي عليها .. ولو طلبها اترفض ... بيجيلها احباط كبير
شكرا على تعليقك وتشجيعك
اممممممممممممممم
واضح فعلا إنى المراة كتاب مفتوح
بس انا معتقدش
العند بيولد الكفر
الموضوع يقاس عليه الكثير من المشاكل التى تتفاقم بسبب عدم وجود تقبل للاخر او ادنى استعداد للتغير
وجهة نظر سليمة يا أسامة وانا عندي بوست لسه هينزل بالمعنى ده فعلاً
شـــكراً
اجمل شيء أن مدونتك ومتابعيكي من الفتيات والسيدات التي ابرزن ان الاخلاق جوهر مش مظهر
وفعلا رغم اختلاف مجتمعنا اللي بيهين المراة الا انكم استطاعتم التميز
تحياتي اليكي ولكل امرأة ترغب بنيل الأحترام
اعتماداُ علي شخصيتها وابداعها وتألقها
********
بس بأمانه أنتي شكلك شغاله مذيعه
مش من أناقتك بقول كدة لكن شخصيتك مجملاُ
*************
انا زعلان ان المجتمع بيهاجمكم لانكم غير محجبات وكان الحجاب هو العفه بدون الاخلاق الضائعه اساسا
**********
معلش بلبخ سماح النوبه دى
رامز .... شكراّ ليك
بس انا مش مذيعة ولا حاجة
حظ سعيد التخمينة الجاية
فعلا تحفه
أولا الواد ده عليه برود وغتاته محصلتش
وأنا فعلا ساعات باصدع من أنواع معينه من البرفيوم وتقلب معدتي وتفضل ريحتها عالقه فيه طول اليوم رغم أني موش اللي حطاها
وبعدين دا موش غتيت بس ده غبي كمان
بس بصراحه هلكت من الضحك
غرام .... انا سعيدة اني ضحكتك
قصة طريفه احييكى على اسلوبك السلس ولكن بالعوده لمفهوم الحرية صدقينى مفيش اى فيلسوف فى العالم كله بدأ من اول افلاطون وحتى جارودى استطاع تعريف الحرية أو على الاقل اتفق معه الناس طيب عارفه ليه متفقوش ؟ لان كل واحد فينا فاكر نفسه فيلسوف للأسف الأنسان بطبعه متمرد ويفهم ان هذا التمرد هو الحرية هل هذا صحيح الله اعلم ؟
هشام
جميل ان كل انسان جواه فيلسوف
والا انسان واحد هيفكر للجميع والباقي تابعون
والتاريخ بيكرر نفسه
واللي اهلنا حاولوا واحنا صغيرين يعلموه لينا ... رفضناه منهم .. واتعلمناه لوحدنا
ومقدرناش نمنع نفسنا من اننا نعلمه لاولادنا ... اللي بالتأكيد هيرفضوه مننا .. ويحاولوا يتعلموه بنفسهم
لو فكرت في منظومة الحياة تلاقيها مملة ومكررة ...
والمتعة فيها في طباع الانسان ... والتناقضات الكبيرة اللي في تفكيره وتصرفاته
رسم الطريق من أصعب ما يعترض الأنسان برمجة و إنجازا
و تبقى الإرادة وحدها الكفيلة بالأستمرار أو التوقف
إرسال تعليق