الاثنين، 23 مارس 2009

الإنحــراف الجنســـي عـلى الطـريقــــة المصـــريــة



الإنحرافات الجنسـية لها أشكال كثــــيرة ومتنوعة وبالطبع غريبة ... لكن هل هي غريبة في كل المجتمعات والثقــافات؟؟
الحــقيقة طالما قلــنا كلمة إنحراف يبــقى أشــكاله كلها إخــتلفت أو تنــوعت في النهاية متســاوية .. مفيش إنحــراف قــوي وإنحــراف نص ونص ..
لكن المجتمعات باختلاف ثقــافاتها مش بتفــكر كده .. لأن في كل بــلد تلاقي أنواع من الإنحراف الجنسي وإن كانت منتقدة لكنها مقبولة، وفي نفس الوقت يشجبوا قبول مجتمعات أخرى لأشكال أخرى من الإنحراف.
ففـي المجتمعات الغربية العــلاقة بين الراجـل والراجـل أو السـت والســت مقـبولة واســمها إنحــراف برضه .. وعندنا في مصــر النــاس مفــكرة إن جـميع أنــواع وأشــكال الإنحــرافات غير مقــبولة ولكن الحــقيقة إن التحــرش الجــنسي في مصر بأشكاله المتعددة مقبول وهو نوع من الإنحراف الجــنسي برضه .
لكن لما واحد يعاكــس واحــدة تبقى شــطارة ويبقى واد نمــس .. ولو اتــلزق فيـــها .. يا ســلام .. أصحابه يقولوا عليه فتــك .. ولو حــد إعتــرض يقــولوا لـه .. إيه يعني واحد بيعاكس محصلش حاجة ... ولو وصل الموضوع للإغتصاب .. الناس تقول ماهو من لبس البنــات المــلزق ... الشباب هيعملوا إيه يعني؟؟
والعكس صحيح ...
بنشـــوف العــلاقة بين راجــل وراجــل أو ســت وســت في مجــتمعاتنا .. يا خبر إســود .. دي مصيبة وعــيبة .. وذل ومهــانة...
والمجتمعات الغربية بتشـــوف إن التحــرش والمعاكسة دي كــارثة كـــبيرة ويجب توصل للمحاكم واللي عمل كده ياخــد جــزاؤه ويتــربى.
مع إن الإتنيـــن من أنـــواع الإنحــراف أوالشـــذوذ الجــنسي والسلوكي ومتساويين في حجم الإنحراف واللي بيعمل كده .. ده أو ده .. بالتأكيد عنده خلل سواء هرموني أو نفســي وبيحــتاج لمســاعدة طــبية أو نفســية ســلوكية.



.نشــوف إختلاف الثقــافات على تقــبل الإنحراف الجنسي عمل إيــه في خلـــيل لما سافر بــلد من بــلاد المجتــمع الغــربي.



الشركة اللي بيشــتغل فيها خليل بعــتته في مهمة لفرع الشركة في أحد البلاد الغربية وهناك إســتقبله شارل موظف من الشركة وبعد يوم شــغل طويل شارل أخد خــليل على كــافيــه بــار علشــان يروقــه شــوية وطبعا خــليل من أول ما نــزل من الطــيارة وهو عـــينه على الحــريم الجــميلات الفــاتنـــات اللي جمالهم بالنســبة له في إنهـم متحررين ... مش في أخلاقــهم لأ .. في ملابســهم.





من أول ما خــليل قعــد في البــار وهو شــايف البــارتنــدر بت زي القـــمر يــادوب لابســة حاجة خفيفة كده وكل حاجة على البحري .. فقعد يغمز لها ويبحلق لها والأهم إنه لازم يبيــن لشارل شـــطارته في المعــاكسة والتعــليق فبص له وقــاله:
البــت دي صاروخ .. وكل شــوية تغــمز لي.



شــارل: مــين ؟؟ قصــدك تشــارلي ؟؟ ... وضــحك.
خــليل: إنت تعرفها ..!!
شارل: أعــرفــها من زمــان .. هي بتشـــتغل هــنا من فــترة طــويلة.
خــليل: طيب أنا هاقوم أجيب منها درينــك ... وغمز لصاحبه

راح خـــليل عــندها وقــالها: بيـــرة يا عســـل.
ردت بلطف: أكــيد .. حــالاً.
خــلـيل قــرب من البـــار وعـــينيه جـــوه صــدرها وقـــالها : تعــــالي أقــولك حـــاجـة .. عاوزها ساقعة نــار.
ضحكت تشارلي وجابت له البيـــرة ..
مــد إيــده ومســك إيـــدها وهو بيــاخد الكــباية وفضــل ماســك شــوية لغاية ماهي شــدت إيـــدها وبصــت له بإســتغراب.





رجع خــليل عند تشــارل صاحبه وقاله: الــبت واقعــة على الآخــر .. بس صاحبك تقــيل. ويضحك وبعدين يكــمل: أصــل أنا مش شــكرانية في نفــسي يعني .. بـس مش قادر أقولك أنا جــامد قد إيه أحســن تتخض يا راجـل .. والصياعة دي .. بتجري في دمـي .. ده حتى أصحابي في مصر بيتعلموا مني آه أمال إيه أنا أسـتاذهم كلــهم.
شـــارل بص لخــليل بشـــغف وســـأله: إزاي يعـــني...؟؟؟؟
مــيل خــليل عليه وقـــال: هنعــلم الأجانب كمان ... هــات ودنـــك...
وقــعد يهــمس له ويحـكي له عن مهاراته وقدراته .. وحجمها .. ومقاسها وإنه مفيش زيه في حكاية الجــنس دي وإن أي حـد بيجـــربه مبينسـهوش وبيتــوهم بيــه جداً وبإبداعــاته الجــنسية .

وفجــأة لقى شـــارل بابتســـامة رقـــيقة بيــحط إيـــده في منطــقة حســاسة عند خـليل وبيقــوله: ورينـــي كـــده؟؟؟
خـــليل إتخـض وقـام فـط نـط من مــكانه وقــاله: لا يا عــمنا .. أنا راجـل وراجــل قــوي كمان ... هو إنت مــنهم وإلا إيـــه؟
وقــعد يزعــق بصــوت عــالي وعـمل هوليــلة لفــتت إنتبــاه كل النــاس اللي في المكـان اللي كــله على بعضــه خمــس ســت ترابيـــزات مزنقـين في بعـض.
جــت تشــارلي بســرعة وقـالت: إيـه الحـكايــة؟
شــارل قالـها: أنا مش فاهـمو .. هو بيعمــل كده ليه؟؟؟ ... هو كان باين جــداً إنــه عـــايزني.
خـــليل: نعــم ...؟؟؟ عــاوز إيه يا خـالتي ...؟؟؟ عــاوزك؟؟؟ إلحــقوا يا جماعة شــوفوا الراجــل عديم الرجــولة الناقــص بيقــول إيه ؟؟ ومـــش مكسوف من نفســك ؟؟ عــادي كـــده؟؟ يرضيكي كده يا تشــارلي هانم؟؟ أنا مش هاسكت أنا هاوديــك في داهيـــة وهافضـــحك ...
تشــارلي بصت لشـــارل وقالت له: أنا فـــكرت إنه معـــاك.
شـــارل قالها: هو كان بيتقــــرب مــني وفجــأة بينـــكر .. ليــه مــش عارف.
خــليل: يا نهـــار مهبب .. إنت إيه اللي بتقـــوله ده إنت عــاوز تلبســني تهــمة؟؟
ومســـك في خــناقه ...
اتصلت تشـارلي بالشــــرطة ...
جـه الظــابط .. بص لشــارل وســـأله: إيــه الحـــكاية؟؟
شــارل: إحـــنا كنا قاعــدين وهــو كان بيتقـــرب ويــتودد ليــا بكل طريقة وكان بيكلمني في الجــنس وكان باين إنه معجب بيــا جداً وأنـــا كمان معجب بيه من أول ما شــفته .. لكن أول ما لمسـته أنكـــر بشــدة وإتخــانق معــايا.
بــص الظـــابط لخـــليل وقــاله: وإنــت؟؟
خـــليل: يا باشــا أنا راجــل قــوي .. أعاكســه ده إيــه .. ده أنا طــول الوقت كنت باعاكــس تشــارلي .. حتى إســـألها ... قولي له يا تشــارلي .. مش أنا كنت بأغمز لك وباعاكسك .. لا يا باشا أنا مـش من الصـنف ده خالص.


الكل بص لتشــارلي اللي قالت:
أنا لما شــفته جــاي مع شــارل فــكرته البـوي فــرند بتــاعه ولما لقيته بيتحرش بيا فكرت إني غلطــانه أو بيتــهيألي .. بس دلوقتي أنا اتــأكدت إنه كان بيتحرش بيــا.
خــليل: شــفت يا بيه .. ده عــاوز يلبســني تهمة .. ده أنا هافضحك في الشــركة .. أنا يا باشــا اكتب عندك كنت باتحــرش بتشــارلي مش تقــولي .. شارل!!

لكن اللي حصل غير اللي توقــعه خــليل .. لأن تــهمة التحرش كــده ثبــتت عليــه واتجــرجر على المحكمة واتبـــهدل ... وعــارفين طلع منهــــا ازاي؟؟
اضطــر في النهــاية يعترف إنــه كان بيعاكس شـــارل مش تشـــارلي ولأن شارل موافــق يبقى مفـــيش قضــية .. ومفــيش مشكلة.

هناك 50 تعليقًا:

محمد حمدي يقول...

بجد تحفه يا اسراء
انتى موهوبه جدا فى السرد .. ده غير السيناريو المحكم اللى حطيتيه .. بجد احييكى

ابقى زورينى بقا

سلام

*SosSoOo* l'o'l يقول...

شــكرا يا حمدي على زيارتك
انا زرت مدونتك وعجبتني جدا ... انا بالنسبة لك مبتدئة
شكرا مرة تانية على التشجيع

غير معرف يقول...

الاختلاف والتنوع بين الثقافات صارخ ولكن دعينا نقول ان هناك نقطه اساسيه فى الموضوع وهى المبدأ العام كن حرا ما لم توذ غيرك يعنى بامكانى ان اتودد الى فتاه ولكن دون مضايقتها او اتودد الى رجل دون ان اضايقه فالكل هنا سواء لا تفرض نفسك على الاخر وتزعجه اذا لم يكن يتقبلك اما نحن هنا وياللهول
دعينى اخبرك فمثلا انا اذا رايت امرأه جميله انظر اليها باعجاب فاذا ابتسمت ربما منحتها كلمه مجامله اذا احسست بانها لن تقوم باحراجي ولا اعتقد ان هذا النوع من التودد مرفوض لاننى بمجرد ان اري نظره اننى غير مرحب لا اتمادي
ولكن المعاكسات فى بلدنا لها العجب الشاب هنا اذا اعجبته فتاه فى الطريق او فى العمل يسارع الى سبها او اغاظتها او اتهامها بانها ساقطه رغم انه معجب بها ولا اعلم كيف يفكر هؤلاء فالبتاكيد لن تقع فتاه فى غرامى اذا قمت باهانتها وهذه هى ثقافه التحرش فى بلدنا

والحديث يطول ولكن اكرر فى الغرب هناك نقطه ثابته للجميع اما هنا فلا ثوابت

dr.lecter يقول...

هو بره مافيش تحرش اللي هو معاكسه او كده او لمسه

هم ناس مابيضعيعوش وقت

همارس معك الجنس ماوافقتيش هاغتصبك في اي ركن ولا علي اي مكتب ولا في الاسانسير قواام مافيش تحرش البدائي بتاعنا احنا لسه علي اول الطريق عقبال مانوصل للاخر

علشان كده ماعندهمش عقد جنسبه او كبت زي اللي عندنا

اللي لا مؤاخذه مزنوق زنقه جنسيه بيتصرف باكتر من طريقه بيوت التعري او الاستربتيز ملايلنه او ياجحر عاهره او او او الجنس مفتوح علي اخره

لكن هنا ياحراام الطريقه الوحيده هي الزواج الشرعي او العرفي علي الاقل او تصبيره علي الماشي بعاده سريه سريعه وكام فيلم بورنو


ده اخر المصريين للااسف

أسوور يقول...

حبيبتى سوسو

الحكاية فيها حاجات كتير دقيقة ومحتاجة وقفة

مثلا .. اول حاجة ان خليل عنده انه يعاكس بنت يبقى جدع .. راجل .. كويس

شارل عنده ان اللى يكلمه فى الجنس يبقى بيعاكسه

المجتمع هناك يتقبل اى نوع من انواع ممارسة الجنس ان لم تكن تضايق الآخر

المجتمع هنا بالنسبة له ممارسة الجنس هى ان تضايق الآخر

التحرش مرفوض هناك تماما بينما المثلية مقبولة مادام ليس فيها اكراه

اما اكثر ما اعجبنى هو ان خليل نفسه تضايق عندما ظن ان شارل يتحرش به .. ويغضبه ان يفعل به شىء يفعله هو طوال الوقت

وعجبنى الإسقاط اللى فى تشابه الأسمين شارل و شارلى

تحياتى يا احلى اخت

غير معرف يقول...

هههههههههههههههههههههههههههههههههههههههههههه قصة تهلك م الضحك ... تحفة ياقطة ... استمري

*SosSoOo* l'o'l يقول...

عزيزي أسامة
فعلا شعبنا محتاج يتعلم حكاية ان الحرية هي ان لا تؤذي الآخرين

وحكاية التودد لواحدة بكلمة دي محتاجة ذكاء من الراجل ... لانه علشان يبدأ بالكلام لازم يكون اخد المفتاح منها .. مش يدخل بتقله وخلاص ويا صابت يا خابت
وبعدين اللي بيقول كلمة الهدف منها التودد او التعرف لو الواحدة نهرته باي كلمة او لفظ لا يتمادى

مش يقعد يشتم فيها ويضايقها ويهزأها ... ولو يعني في نادي او في منطقة هي معروفة فيها ممكن يشنع عليها ويقول انه يعرفها وبيعمل وبيعمل

*SosSoOo* l'o'l يقول...

د. لكتر
احنا عاوزين الناس تتعلم وتفهم .. وعاوزين الشارع المصري يكون في حرية للست زي الراجل مش الرجالة ماشيين يعاكسوا في دي ويشتموا دي ويهزأوا دي

اكيد مش بنتمنى ناخد عيوب الغرب لكن نحب ناخد حسناتهم
ولو بيوت الدعارة هتحل المشكلة
ماعتقدش يعني ان مصر مفيهاش دعارة
كل حاجة موجودة في مصر بس في الخفاء
الحاجة اللي موجودة في العلن هي المعاكسة والمضايقة والتحرش اللي في الشوارع والاماكن العامة

*SosSoOo* l'o'l يقول...

اســـوووووور شكرا يا قطتي
ومش هاتكلم كتير لانك على طول فاهماني
ولا يفتى ومالك في المدينة
شكرا جدا لمتابعتك

*SosSoOo* l'o'l يقول...

شكرا جنة على الزيارة وارجو تكراراها
تحياتي

Desert cat يقول...

وكم من خليل فى بلاد الفرنجة يتفاخر بالحاجات الحساسة اللى عنده وفى الهاية تقلب من تشارلى لشارلى
فضحونا

*SosSoOo* l'o'l يقول...

حلوة قوي يا كات
هاهاها....

غير معرف يقول...

أنا كنت لآخر لحظة متوقع إنك هتقولى إن شارلى طلعت راجل هاهاهاه لكن دة إلى متوقع منك . موضووع جامد من قطة جميلة

*SosSoOo* l'o'l يقول...

شكرا يا رشدي
تحية كبيرة ليك

Hesham يقول...

هاى انا صديق جديد للمدونه ان كنت طبعا تقبلى صداقتى واتمنى ان تزورى مدونتى ايضا وان كانت تختلف فى الشكل والمضمون والموضوعات ولكن لامانع ان تتنوع القرائات والثقافات وعموما انت لكى اسلوب بسيط وجميل فى الكتابه
ربنا يوفقك

*SosSoOo* l'o'l يقول...

شكرا يا هشام وهي دي عاوزة سؤال .. طبعا ارحب بيك جدا
وانا في طريقي لمدونتك حالا.

Hesham يقول...

اولا صديقتى الجديده انا متشكر جدا على زيارتك مدونتى ولكن صدقينى هى ليست فقط للكورة بل ايضا انا تناولت فيها موضوعات سياسيه وفلسفيه وتقارير بالإضافة الى الشعر حيث اننى من هواه الشعر وكّتابه واتمنى ان ارى تعليقا منك على مااكتبه وعلى فكرة حتى موضوعات الكورة التى اكتبها فهى ذات صبغة سياسية فان قراتها بعين سياسية هذا إن كانت السياسة تستهويكى فستجدين الصبغة السياسية واضحه بها
عموما انا سعيد جدا ان اكتسبت صديقه جديده مثقفه وقارئة جيده وكاتبه ومحلله ان شاء الله تعالى ستكون ذات مستقبل كبير

إيمان قنديل يقول...

تعرفي أنا فكرت في نهاية تانيه وهي أن البنت نفسها اللي بتشتغل في البار تطلع راجل شاذا


بس انت قلبتي الحكايه وخرجت عن التوقعات

وده في حد ذاته جميل لأن الكاتب الذي يكتب مايتوقعه الناس يفقد بريقه بالنسبة لهم


تحياتي ياجميبه

*SosSoOo* l'o'l يقول...

صديقتي العزيزة غرام
واضح ان في ناس كتير فكرت بالطريقة دي ...
والحقيقة انا كنت عاوزة اقدم نوع من المقارنة
كون الراجل متحرش او ان يتحرش به
وكمان فكرة ان التحرش في حد ذاته شذوذ بالنسبة للمجتمعات الغربية وفي مجتمعاتنا يتفاخر به الرجال

Unknown يقول...

بس هنا فى مشكلة اكبر من دا كله
اسمها crossdresser
اخطر فئات الانحراف الجنسى دخلتنى فى دوامة ابحاث لمدة شهرين

بس البوست جميل والكلام جميل جداً
والمدونة هايلة

تحياتى

*SosSoOo* l'o'l يقول...

اسلام شكرا ليك
بس شوقتنا
كنت احب اعرف عن هذا النوع crossdresser

هاروح دلوقتي مدونتك ادور ..
ولو ملقتش يبقى هادور على النت
يعني انت شغلتني
هاهاها

soly88 يقول...

الرجل المصرى دائم التفاخر بقدراته الجنسيه وانه عندما يتوجه الى بلاد الفرنجه سيجد صفوفا من الجنس الآخر فى انتظاره. ولا اعرف سببا لتلك العقيده الراسخه
كذلك المرأه المصريه طوال الوقت نعطيها صفات ندعى انها تتميز بها عن نساء العالم مثل العيون والشعر وخفة الدم .مع ان ارض الواقع لاتدعم ذلك ولا اعرف سببا لتبرير ذلك سوى اننا هامشيون جدا او مهمشون كثيرا

AIDA يقول...

ايه يا سوسو الموقف اللئيم الي حطيتي خليل فيه.. حرام عليكي على كل حال بيستاهل السحر انقلب على الساحر نهايه جميله لسيناريو حفيف وممتع زي خفة دمك يا حلوه

Unknown يقول...

اسوور هذا النوع بمعنى اصح يختلف عن المتحولون جنسياً بطريقة كبيرة او بأخرى
بمحنى اللغوى ان المحتولون جنسياً يسمون ب Transgenders متحول جنسى Tranny
وهذه الفئة يولدون بالفطرة هكذا ولا تعتبر فى مكنونها كأنحراف جنسى لإنهم يتحولون للجنس الاخر بشكل كامل
اما من ناحية crossdresser فهم ممن يرتدون الملابس ، ولكن بالاحتفاظ بالشكل العام، رجل يرتدى ثياب انثوية تتيح له الفرصة ان يعيش فى حياة انثى ، ويكون معظمهم من الشاذين جنسياً ، يمكنك البحث فى ويكيبيديا للمعلومات اكثر او يوتيوب
تحياتى

Diyaa' يقول...

أصلاً النظرة للجنس غلط شوية

الناس بتعتقد إنهم وصلوا للحياة الدنيا عشان ينهلوا كل ما لذ وطاب وبتطرف كمان

من الجنس للشهرة والمال وحتي احترام الآخرين ( حتي لو بالتنازل عن المبادئ أو النفاق أحياناً )

مع إن الجنس في نظري هو علاقة جميلة في إطارها الديني الوحيد..وهدفها بس التخفيف عن الزوجين عشان يستمروا في إمتحان الحياة مش في الإستمتاع بالحاية

ووسيلة برضه عشان التكاثر يتم بشكل بيحبه البشر

موضوعك جميل أوي في سرده القصصي..بس في نقطة غابت عنك ..إن حتي في الغرب في تحرش بس غالباً مش بيبقي بشياكة أو بموافقة البنت..حسب أسلوب المتحرش طبعاً

يعني هم هناك كرجالة مش ملايكة وبيشوفوا في الأنثي أرواح هائمة في أجساد ممشوقة ..لأ بيشوفوا الأجساد الممشوقة الأول بأدق تفاصيلها بس أسلوبهم احترافي سواء في التقرب أو في التحرش..وده بيرضي غرور الطرف الآخر فبتكتمل الحدوتة بإن كتير العلاقات الغربية هي عبارة عن
BF & GF
بدأت معرفتهم بتحرش لطيف تقبلته البنت أو استلطفته هو بس فبتتقبل منه كده

وده اللي وضحتيه بإن هم عندهم الجنس مفيهوش حدود غير إن بس الطرف التاني يكون موافق أيا كان نوع العلاقة وسواء بقي شذوذ أو سادية أو حتي زنا محارم وتبادل الأزواج..المهم الطرفين يكونوا موافقين ويكونوا عدوا سن ال18 سنة


وأنا لما مريت بموقف إن واحد مذكر زيي فكر يلمس المكان إياه كنت هرمي نفسي من العربية أصلاً وبطلت أركب المواصلات جنب السواق لوحدي الصراحة :))

هو موقف خليل بصلها بس إن اللي بيحاول يوصله مع تشارلي..مش مستنكر ولو كان أسلوبه غلط بس في الأول والآخر علاقة الجنس بين الذكر والأنثي هي الطبيعية ...حتي لو الأسلوب غلط

لكن علاقة الجنس بين المتشابهين دي اللي غير طبيعية علي الإطلاق حتي لو كان الأسلوب في التقرب شيك ولطيف ويعجب حتي اللي يسمع عنه لذكائه مثلاً أو لباقته

الخلاصة إن السعي للجنس هو أس البلاء

التحرر من قيود الدين باعتبارنا آلهة تمشي علي قدمين ونعمل ما بدا لنا المهم نستمتع وإحنا بنقنع نفسنا إننا مش بنضر حد ده السبب وراء أس البلاء ده

ومعلش طولتي عليكي بس أسلوبك في المدونة دي عموماً وسردك وفن ما بين السطور أجبرني في النهاية علي التعليق :)

والسلام ختام

Diyaa' يقول...

معلش طبعاً عشان في كام خطأ املائي في تعليقي اللي فات :)

بس في حاجة اعتبريها نقد يعني للبوست

إن تشارل كان بيستعبط..بمعني إن مهما كان الشاذ جنسياً بجح ..فهو مش بيبادر بالهجوم إلا بعد الإعجاب بشكل يصل للإنبهار أو بعد ما يتأكد بشكل قطعي إن اللي أدامه موافق ..ومكانش باين من سردك إن خليل إداله إشارة بكده

وواضح إنه منبهرش بيه..بس كان ممكن مثلاً تضيفي جملة يقولها خليل ختاماً لوصلة التفاخر المشروخة

( مش هتصدق مهما سمعت مني بس أكيد لما هتسأل مجرب هتصدقني )

ساعتها نقدر نقول إنها إشارة خفية حتي لو معناها في نية خليل إنه بينفي عن نفسه صيغة المبالغة وهيخلي مثلاً تشارلي تحكيله قريباً عن تجربتها الفظيعة :))


بس خلصت :$


بالمناسبة اللوحة لطيفة أوي ومعبرة بشكل غير مباشر بحييكي عليه

بس زي ما قلت أصلاً العلاقة الجنسية مش المفروض ليها غير مسار واحد بس

والناس بدأت تستسهل المسارات الفرعية عشان أرخص ومفيهاش مسئولية

ويستمر الإنسان في التحامق :(

والسلام ختام

*SosSoOo* l'o'l يقول...

عايدة حبيبتي انتي اللي زي السكر
شكرا ليكي

*SosSoOo* l'o'l يقول...

ضياء

اولا طبعا اشكرك على تعليقك الجميل الخالي من المجاملات .
ثانياانا مقلتش ان مفيش تحرش في الغرب ومقلتش ان مفيش مثليين في الشرق ...
انا قلت ان هذين السلوكين من امراض الشذوذ الجنسي ولكن الشرق يتقبل المتحرشين ولا يتقبل المثليين
والعكس صحيح... الغرب يتقبل المثليين ولا يتقبل المتحرشين

ثالثااعذرني ... بس واضح من كلامك انك تعرضت لتحرشات من نفس جنسك كتير وبطرق مختلفة ... وصدقني الاحساس اللي بيجيلك ساعتها هو نفس احساس الواحدة لما واحد بيتحرش بيها في الشارع بأي شكل او طريقة..

رابعاً بالنسبة لحكاية ان مفيش علامة من خليل لشارل علشان ياخد خطوة ناحيته فللاسف ان غلطان فيها عندك جملة

(ده حتى أصحابي في مصر بيتعلموا مني آه أمال إيه أنا أسـتاذهم كلــهم) .... شارل فهم انه على علاقة بشباب

وكمان

"وقــعد يهــمس له ويحـكي له عن مهاراته وقدراته .. وحجمها .. ومقاسها وإنه مفيش زيه في حكاية الجــنس دي (وإن أي حـد بيجـــربه مبينسـهوش وبيتــوهم بيــه جداً وبإبداعــاته الجــنسية)"

لكن طبعا انا محبتش اجيبها بشكل فاضح قوي علشان ألعب بعقلية القاريء وابعد عن تفكيره توقع الاحداث

وشكرا ليك مرة اخرى
والف مرحب بيك في المدونة
نورتني

Diyaa' يقول...

العفو :)
ووصلتني وجهة نظرك بخصوص المفتاح :)


والتحرشات والله هي كانت مرة ..هتشككيني في نفسي ولا إيه ..وفرق الإحساس مختلف

لأن المرض عند الشاذ ( مش المثلي ) اسوأ بكتير منه عند المتحرش العادي

المتحرش العادي بينسي الأخلاق العادية ومش بيراعي ربنا في حدود المتعارف عليه

المريض نفسياً أو الشاذ جنسياً..مش بيراعي ربنا في خارج حدود المتعارف عليه

عارفة أنا لما أجبرته يوقف العربية ونزلت ..فضلت واقف مكان ما نزلت لمدة ربع ساعة متنح ..العربيات بتدي كلاكسات وأنا مش بتحرك

رجعت البيت ..ركزت في المراية لأول مرة من قرون لقيتني مش بيبي فيس ولا حاجة مبهرة إنسان عادي يعني ..ولا حتي توتو عضلات :))

أسلوبي ؟ أنا كنت ساكت ومش اتكلمت أصلاً..حتي اللبس كان واسع وأنا مش بحب ألبس بناطيل ضيقة..فهو الموضوع بالنسبة له مرض نفسي وتوحش بس

لكن بالنسبة للمتحرش العادي..هو عدم قدرة علي السيطرة علي الرغبة الجنسية السوية واللي بتحركها حاجات طبيعية أوي في الزمن ده ..الإتنين غلط

بس وجه المقارنة ..أكيد المسافة أوسع بكتير ..يعني البنت بيقع عليها الغلط بس هي عندها عامل جذب طبيعي ربما تساهم هي في المبالغة في إظهاره



لكن الشاذ جنسياً ..مش بيحتاج عوامل جذب أصلاً ومن غير مبالغة لأنه مريض بشكل بشع الصراحة خصوصاً لما يكابر ويعتبر إنه مش مريض



عموماً..سبب كل ده الكبت وإنعدام التربية سواء في الشرق أو الغرب

بس زي ما قلت في الغرب بتبقي أشيك فبتتحول لعلاقة سريعة أو علاقة طويلة
أو علي الأقل بيحصل تجاهل

والسلام ختام
ومنورة بصاحبتها :)

ahmed يقول...

فعلاً الموضوع غريب جداً و بيعكس أزدواجية في الشخصية المصرية واحد يعمل نفسه محترم أو متدين و بعدين يعمل حاجات عكس كده تمام

القصة مكنتش متوقعها كده زي ناس كتير بس تسلمي

تحياتي

أسوور يقول...

ضياء

انا قريت التعليقات بتاعتك وحوارك مع سوسو.

التحرش هو لفظ يعنى احتكاك شخص بشخص آخر رغما عنه .. فيه تحرش بالقول يعنى شتيمة والفاظ جارحة .. وفى تحرش بالفعل يعنى احتكاك جسدى من اى نوع .. ضرب .. عض .. ركل.. ولما نقول تحرش جنسى يعنى .. احتكاك فيه مغزى جنسى رغما عن أنف الضحية

واهم حاجة موضوع رغما عن انف الضحية دة ..

يعنى لما واحد يعاكس واحدة وهى ماشية وتضايق يبقى دة تحرش جنسى .. ولما واحد ييجى يلزق فى واحدة وهى واقفة فى المواصلات يبقى برضه تحرش جنسى
ولما واحد يغمز لواحدة ولا يشاور من بعيد على مناطق حساسة من جسمها يبقى برضه تحرش جنسى

التحرش هو نوع من ايذاء الآخرين وتعمد تجاهل ردود افعالهم

وصدقنى شعورك هو نفسه شعور اى بنت بيحصلها كدة .. وانا مبسوطة بجد انك وصفت مشاعرك بلا خجل وهو دة نفسه اللى بنحاول نعلمه للناس.

اذن المتحرش والمغتصب هم اكثر خطورة على المجتمع .. لأنهم يأخذون حق هو ليس لهم ويستبيحون لأنفسهم اقتحام الآخرين ومعاملتهم على انهم مجرد اجساد بلا عقل او هوية او عائلة او وظيفة فى الحياة .. ولا يرون الإنسان او الإنسانة الا من خلال حيوانيتهم المجردة من الإنسانية.

اما المثليين فلا يؤذون الآخرين الا اذا كانوا برضه متحرشين .. يعنى لو واحد مثلى واقف فى مواصلة عامة وفى حاله هيضايقنا فى ايه؟؟؟

صدقنى يا ضياء نحن قد نحترم شخص مثلى .. ولكننا كنساء لن نحترم ابدا متحرش او مغتصب.

V.Hayat يقول...

رائعة خربشاتك يا قطة وفى انتظار خربشات اخرى


تحياتى

غير معرف يقول...

قصة حلوة ماكنتش اعرف انك انتى اللى كاتباها
انتي موهوبة

*SosSoOo* l'o'l يقول...

شكرا حياة على التشجيع

*SosSoOo* l'o'l يقول...

بسطاويسي اشكرك على تشجيعك
لكن مفهمتش كلمة ( مكنتش اعرف انك انتي اللي كاتباها)
هو انت قريتها قبل كده ؟؟
والا انت عارفني؟؟؟؟

غير معرف يقول...

أيوة قرتها على بلوج تاني

*SosSoOo* l'o'l يقول...

هي منشورة في بلوج قضايا المرأةوالتحرش في الوطن العربي نقلا عن مدونتي

اشكرك بسطاويسي

daktara يقول...

التحرش شئ مرفوض
يرفضه الجميع

القصة اللي كتباها سطحية ولا تفيد الموضوع
ولا اعرف مغزاها علي وجه التحديد
نحن نرفض النوعين من الانحرافات
الغرب له عاداته ونحن لنا عادات اخري

شكلها باظت
انظر حولك
د. خالد عزب

غير معرف يقول...

بأمارة ايه دكتور؟؟ على رأي اللى شتمك على مدونة أسر
ناكك اللى عملك دكتور مش ظلمك و بس

*SosSoOo* l'o'l يقول...

هو ليه انت يا دكترة على طول مش فاهم؟؟؟؟؟
مش دي حكاية غريبة برضه؟؟؟


مين نحن اللي نرفض النوعين من الشذوذ؟؟؟؟

اتكلم عن نفسك ...

هو في حد في مصر بيتكسف يقول انا عاكست واحدة ؟؟؟؟
ياراجل حرام عليك

ده كل الشعب المصري بيفتخر بانه بيعاكس

والريبورت اللي جه في برنامج البيت بيتك كان في مهازل.... كلهم بيفتخروا بشدة ومنهم اللي بيقول انا بامد ايدي على اطول هو انا لسه هاعاكس..

لكن مشفتش حد في مصر بيفتخر انه مثلي ويمشي يقول للناس انا سلوكي الجنسي مثلي ... ويعلن بكل جرأة ... وحتى لو حصل وحد اعلن ... المجتمع مش بيتقبله

وانا هنا باقول ان التحرش ابتداء من المعاكسة الى اخره... سلوك شاذ
ومرض
ويجب اننا ننظر له نفس النظرة اللي بناخدها على المثليين

بارحب بيك دايما

daktara يقول...
أزال أحد مشرفي المدونة هذا التعليق.
daktara يقول...

بص يا اسراء هانم
سهل جدا اني اوفقك في الرأي وفي كل حاجة واقعد اهللك واطبلك
وابقي ضيف دايم عندك وانت عندي
وتنشأ بينا علاقة صداقة ع النت ممكن تتحول لحقيقية والكلام ده
واكون كسبت معرفة انسانة جميلة وسبور ذيك
وده اللي بيعمله كتير من الشباب مع كتير من المدونات وتبقي المدونة وسيلة للتعارف زي الشات كده
ملحوظة
شوفي كم التعليقات في مدونات الحريم بالمقارنة بمدونات الذكور وشوفي نوعية المعلقيين

لكن انا باتنقاش معاكي يمكن تكون وجهة نظري صح ويمكن تكون غلط
لكن انا مش فاهم برضه ليه بدأه ردك ب ليه انت يا دكتره علطول مش فاهم؟
وكأنك بتشتميني وبعدين عايزة تتجادلي معايا
عموما انا مش ملاك
وطبعا محبش التحرش ولا المعاكسات وبطبيعة الحال الشذوذ الجنسي
واعتبريني انا يا ستي اول واحد تشوفيه في مصر مبيحبش المعاكسه ولا بيفتخر بها

شكلها باظت
انظر حولك
د. خالد عزب

*SosSoOo* l'o'l يقول...
أزال المؤلف هذا التعليق.
*SosSoOo* l'o'l يقول...

السيد دكترة

انا قلت انت ليه على طول مش فاهم لانك في كذا مدونة بتدخل تقول انك مش فاهم الموضوع المكتوب او الهدف منه
واحيانا بتفرض الفكرة اللي فهمتها على القارئين

انا ولا عاوزة اتعرف عليك ولا على غيرك ومش ناقصني معارف علشان ادخل اعمل مدونة للتعارف

انا مش مراهقة علشان توجه لي الكلام ده ....

انت اللي ليك مني فني اذا كان فيه اي ابداع او لا... ورأيك مقبول في جميع الاحوال
وانا مش هاحول الموضوع اللي انا كتبته لحوار بيني وبينك خارج الموضوع

انت وجهت تساؤلات وانا رديت عليك ده ماسموش تجادل ولو تحب تقول رأيك وماردش عليك خالص ... لو ده هيريحك اكتر
مش هارد
شكرا

غير معرف يقول...

كان نفسي اعلق بجد ............ بس المشكلة اني عندي حساسيه من القطط من كتر الفرجة علي توم وجيري ......بس عموما انا بفضل الكباب علي الطريقة المصرية

عاشقة حبيبتى يقول...

مساء الخير

صراحة القصة موتتنى من الضحك والغريب ان حد علشان يطلع من تحرش يرمنى نفسة فى شئ تانى خلاص دة التحرش ارحم من ان يتقال علية كلمة تانية وان دل على شئ فانة يدال على مدى خيبة الرجالة الا وصلوا ليها فى بلدنا كل تفكرهم الجنس وبس

على فكرة بلاش تقولى على الست والست المثليات شواذ كدة سمعة وحشة فى حق بعضهم


تقبلى تحياتى

my dream يقول...

اسراء
لن اقول اكثر مما قيل
فقط اسجل اعجابي الشديد بالمدونه ككل
تحياتي واحتراماتي

أسوور يقول...

بنعمل فيلم تسجيلى إستقصائى بالجهود الذاتية يهدف لرصد ظاهرة التحرشات فى الشارع المصرى
الفيلم لا يتبع أى جهة رسمية أو قناة فضائية أو محلية ولا أى مركز ابحاث
*******
طبيعة الفيلم تقوم على متابعة عدد من الفتيات والسيدات على الطبيعة أثناء سيرهم فى الشارع بالكاميرا
لمدة 5 دقائق .. وتصوير المضايقات التى يمكن أن يتعرضن أثناء سيرهن فى الشارع على الطبيعة
ثم يتم حصر عدد المضايقات بالنسبة لعدد الفتيات أو السيدات محل الدراسة
*******
مطلوب متطوعات لتصوير الفيلم

غير معرف يقول...

صباح الخير

تقبلي تعليقي وزيارتي الاولي

اعجبني المقال وهو التنبيه الي شكل الانحرافات والتحرش الجنسي .. وهو شئ انتشر كثيرا في العالم العربي الاسلامي ودائما ما ينتهي دون ان يعاقب المتحرش واشكاله عده

اما وصفك للمثليه بانها انحراف وشذوذ .. اولا احترم جدا وجهة نظرك .. واكتفي بالقول ان وضعك للمثليه في مرتبه واحده مع الانحراف والتحرش ليس منطقي لانه علي الاقل المثليه تتم علاقاتها برضاء تام بين شخصيين .. اما التحرش هو احد اشكال الاغتصاب .. واعتقد انه جليا لا علاقه ولا وجه شبه

وايضا انتي شبهتي انحراف جنسي بعلاقه عاطفيه .. التحرش يقوم علي التعدي علي الاشخاص تعديا جنسيا سواء بالكلام او الائحاءات او الفعل .. هناك فرق بينه والمثليه

شكرا مره اخري علي الموضوع

صافي الود

غير معرف يقول...

شكرا لهذا المنصب رائع. الاعجاب الوقت والجهد وانتم تضعون في بلوق الخاص بك ومعلومات مفصلة التي تقدمها.